Саяхан аймшигт мэдээ ирэв. Манай Баадай Бурхны оронд очсон гэж дүү нь надад мэдэгдэв. Дөнгөж сая энэ 8 дугаар сарын 13-нд ингэж бичиж байсан хүн шүү дээ…
“Залуучууд маань энэ бүгдийг сайн ойлгоод эхлээд унш, үз, судал дараа нь сайхан гэрэлт ирээдүй харагдана шүү. Ганаа ах таньд эрүүл энх сайн сайхан бүхнийг хүсье. Удахгүй уулзах болноо. АМЖИЛТ АМЖИЛТ АМЖИЛТ…”
Царай зүсийг нь хараагүй хүнтэй сэтгэл зүрхээрээ ийм ойр дотно болно гэж би бодож байгаагүй юм. Нетээр харьцсаар байтал бүр дүүгээс минь ялгаагүй болчихож….
Нэлээд эрт манай Гүүнээтэй хэрэг болгож яриад Ганаа ахтай хийх уулзалтыг хойшлуулж өгөөч, би хоцрох гээд байна гэж хүсэлт тавьсаар байгаад хойшлуулсан билээ. Ингээд их баяртай ахтайгаа мөд уулзана гэж ярьж байсансан. Бид хэд ч их баяртай мөд уулзана гээд бодож суутал ийм гай болж…
Хийх юм ч, хэлэх үг ч олдохгүй юм. Ядаж байхад жинхэнэ нэр ус, хаяг гээд мэдэх юм юу ч алга. Дүүд нь хаягаа явуулаад л холбогдох байх гээд хүлээгээд сууж байна.
Ямар ч гэсэн Баадайгийнхаа гэгээн дурсгалыг хүндэтгэж санасан бодсон бүхэн чинь бүтнэ гэж итгэлтэй хэлж чадах байна. Яагаад гэвэл түүний АМЖИЛТ, АМЖИЛТ, АМЖИЛТ гэдэг үгийг бид мартахгүй.
Эрхэм дүү маань Бурхны оронд заларч, үүрдийн амгаланд орших болтугай. Ум ма ни бад ми хум.
Судлаач Д.Ганхуяг
2012 оны 9 дүгээр сарын 13.
Судлаач Ганаа 