АЛУУРЧИД ХАА САЙГҮЙ БИЙ…

2012/01/13 7 Comments

Манайхан Жон Перкинсийн “Эдийн засгийн алуурчны наминчлал” номыг төрөлх хэлээрээ үзээд удаагүй байна. Гэхдээ яриад үзэхэд “яа яа, аймаар алуурчин” гэхээс цааш мэдэх хүн цөөхөн л байна лээ дээ. Одоогийн байдлаар энэ ном дэлхийн 30 хэлнээ орчуулагдаж сая гаруй хувь хэвлэгдээд байгаа гэнэ. Саяхан ОХУ-ын “Чөлөөт хэвлэл” (Свободная пресса) сайтынхан Вашингтонтой холбогдож Жон Перкинстэй нэгэн сонирхолтой ярилцлага хийжээ. Тэгээд орчуулав. Read more of this post

Filed under ОРЧУУЛГА

ЭНЭ ДЭЛХИЙ НЭГ Л БИШ ЭЭ…

2011/12/20 17 Comments

Манайхан ч яахав, сонгууль, нүүрс зарах хоёроос өөр мэдэж байгаа юм огт алга. Бүгдээрээ ганц сайн мэддэг геополитикоо ч ярихаа байж. Аа тийм, Ким Чен Ирийн үхлийг шалтгаан, залгамжлагч энэ тэр гээд үй олон л юм ярьж байгаа байх. Гэхдээ пивоны цаана ярихаар л ямар ч том агуу геополитик сөнөдөг юм ш дээ… Read more of this post

Filed under ОРЧУУЛГА

ИНТЕРНЕТ БОЛОВСРОЛ

2011/07/30 22 Comments

Интернет ихээхэн хөгжиж өнөө үеийн олон хүн түүгээр боловсрол олох боломжтой болжээ. Үүнийг e-Learning гэх бөгөөд энэ хүрээ улам бүр худалдааны шинжтэй болохоос гадна хэтийн ихээхэн ирээдүйтэй болж байна. Манай олон залуус энэ талаар ихэд чармайн оролддог боловч олонхи нь арга эвээ нэг л сайн олж чаддаггүй мэт. Read more of this post

Filed under ОРЧУУЛГА

Н.К.РЕРИХ. ИРЭЭДҮЙН ХААЛГА (ЧУЛУУ, ХАДГАЛАГЧ)

2011/07/25 14 Comments

Энэ удаад Н.К.Рерихийн 1935 онд бичсэн хоёр сонирхолтой тэмдэглэлийг орчуулан уншигчиддаа хүргэж байна. Би хувьдаа уран зохиолын хэлбэртэй товч тэмдэглэл гэж ойлгосон. Харин “Ирээдүйн хаалга” гэсэн нэг гарчигтай энэ тэмдэглэл яг одоо бол сонин хачинаасаа илүү чухал ч байж магадгүй. Read more of this post

Filed under ОРЧУУЛГА

Самюэл Хантингтон. ИРГЭНШЛИЙН МӨРГӨЛДӨӨН ХИЙГЭЭД ДЭЛХИЙН ДЭГ ЖУРАМД ГАРСАН ХУВИРАЛТ

2011/02/24 24 Comments

Эдүгээ дэлхий дахинаа болоод байгаа түгшүүрт олон үйл явдлыг ажиглахад Са́мюэл Фи́ллипс Ха́нтингтоны (1927-2008) иргэншлийн зөрчлийн онол өөрийн эрхгүй санаанд орох. Тэрбээр АНУ-ын Олон улсын харилцааны Төвийн захирал, Үндэсний аюулгүй байдлын Зөвлөл дэх төлөвлөлтийн хэлтсийн зохицуулагч, Улс төрийн шинжлэх ухааны Америкийн холбооны Ерөнхийлөгч зэрэг стратегийн онолын голлох газруудад ажиллаж байсан дэлхийд алдартай эрхэм байсан билээ. Ном өгүүлэл нь олонтаа гарсан учраас түүнийг мэдэхгүй хүн Монголд цөөхөн буй за. Хантингтоны алдарт “Иргэншлүүдийн мөргөлдөөн” (1993) номын бүлгээс 2008 онд орчуулж блогтоо тавиад 3 жил болж байна. Гэхдээ чамгүй хугацаа өнгөрсөн болохоор хүмүүс хайн олж унших нь багасаад байгаа учир ахин толилуулж байна. Чингэхдээ тухайн үед “соёл иргэншил” гэдэг байсныг эдүгээ нэгэнт тогтсон “иргэншил” гэсэн нэр томъёогоор сольж, ганц нэг зураг нэмсэн өчүүхэн өөрчлөлт хийлээ. Та эндээс онолын сэтгэлгээ, шинжлэх ухааны таамаглал гээч ямар гайхамшиг байдгийг ойлгоно гэдэгт найдаж байна. Та бид ч гэсэн заавал ийм өндөр түвшинд сэтгэж үйлдэх ёстой гэдгийг онцлон дурдаж байна. Манай Монголд ч гэсэн ийм онол байж, байлгаж болно гэдэгт миний хувьд эргэлзэх зүйл огт алга… Read more of this post

Filed under ОРЧУУЛГА Tagged with

МОНГОЛ ОРОСЫН РЕЛЬС ДЭЭР ЭРГЭЖ ИРЛЭЭ…

2010/12/20 11 Comments

Ерөнхий сайдын айчлал нэлээд амжилттай болох шиг болов. Нэг ч болсон юм нь бүтэж байвал аштай юу даа. Ямар ч гэсэн Оросууд сэтгэл хангалуун байхын зэрэгцээ манайхаас болгоомжилж байгаа нь илт мэдэгдэж байна. Миний хувьд ийм том цар хүрээтэй, олон улсын эрх ашгийг хөндсөн, чухал ач холбогдолтой асуудлыг нэлээд нямбай судалж байж дүгнэлт хийх нь зүйтэй гэж бодож байна. Иймээс одоохондоо Оросын Коммерсант сэтгүүлийн 2010 оны 12 дугаар сарын 15-ны № 232-т Александр Габуевын бичсэн мэдээлэл-дүгнэлтийг шууд орчуулан хүргэж байна. Орчуулахдаа орос өгүүлбэрийн давталт ихтэй, манайд хэт ойлгомжтой зарим хэллэгийг засч найруулсан. Харин Коммерсант бол ОХУ-ын Засгийн Газар биш, А.Габуев бол оросын цорын ганц тоймч биш гэдгийг л сайн бодоорой гэж захих байна даа… Read more of this post

Filed under ОРЧУУЛГА

СЕРГЕЙ ВОЛКОВ: АГАРЫН ОРОН

2010/12/04 17 Comments

Манайхан Шамбалын орныг “сайн мэдэх” боловч түүнтэй ямагт хамт яригддаг Агарын орны талаарх мэдээллийг огт анхаардаггүй. Энэ талаар “олон юм” бичиж болох авч шинжлэх ухаанаас “хэт холдох” гээд болохгүй байна. Ингээд “загнуулах аюул” багатайгаар нь мөнөөх Сергей Волковын өгүүллийг орчуулж байна. Монголчууд Энэтхэгийг Жагарын орон гэдэг. Үүнийг л хэлж байгаа биз гэж бодоод би анхандаа “тоогоогүй” их удсан юм. Гэтэл манай лут хөгшчүүд Шамбал, Агарын орон гэж хамт залбирдагийг үзээд сонирхож эхэлсэн юм. Магадгүй Таны өвөө, эмээ нар ч залбирч байсан байх…Монголд “дэлхийн энергийн төвүүд”-ийг энд тэндгүй “нээж”, “ажиллуулж” буй өнөө үед Агарын орныг “угаасаа мэддэг байсан”, “олчихсон” гэх хүмүүс гарч ирэх нь гарцаагүй юм. Энэ орчуулгыг эгэл жирийн уншигчдад зориулж сонирхуулж байгаа болохоос дүвчигнөх, мунхруулгын бизнес болгох гэсэн хүмүүст огт хамаагүй гэдгийг онцлон сануулж байна… Read more of this post

Filed under ОРЧУУЛГА

Сергей Волков. СС-ИЙНХЭН ШАМБАЛЫН ЭРЭЛД

2010/10/17 28 Comments

Оросын Сергей Волков гэдэг нэг нөхөр “Шамбал”-ын сэдвээр хар мянган зүйл бичих. Ер нь бол “өвчилчихсөн” шиг байгаа юм. Зарим нь нэлээд сонирхолтой, заримыг нь ч ёстой мэдэхгүй юм. Мэдэхгүй ч гэж дээ, бичсэн бүхнийг нь шалгаад нягтлаад явах зав зай байхгүй юм чинь. Нэгэнт бүгдийг нь шалгаж чадахгүй болохоор “мэдэхгүй” л гэсэн хэрэг болно байх. Миний хувьд гэвэл үүнийг зав чөлөөгөөрөө л сонирхдог бөгөөд сонин хачин юмтай ч их тааралдах, ухаан санаанд үл багтах ч юм зөндөө л байдаг юм билээ. Танд ч гэсэн өөрөө шалгаад батлах юм уу, үгүйсгэх боломж олгох гэж орчуулснаа толилуулж байна. Read more of this post

Filed under ОРЧУУЛГА

← Older posts

Newer posts →