2009/12/06 50 Comments
Уг нь би “Ханиадны дараа тооцоо бодно” гэсэн юмсан. Гэтэл “өндөржүүлсэн бэлэн байдал”-аа сунгасаар байгаад Шинэ жил дөхүүлчихдэг байна ш дээ. Дараа нь Цагаан сар, Мартын 8 гэнэ дээ, харж л байгаарай… Нэгэнт шинэ жил дөхсөн учраас манай яруу алдарт Засгийн Газар томуутай хийсэн тэмцлээ ард түмэндээ тайлагнаж байна. Нэгэнт ”хар данс” нь байж байхад “тооцоо” бол оройтохгүй л дээ. Энэ тухай өгүүлсү… Read more of this post
2009/12/01 68 Comments
Саяхан миний нэг шавь аль эрт бичээд мартчихсан нэг өгүүллийг маань авчирч өгөөд заавал блогтоо тавиарай гэж хүссэн юм. Яагаад гэсэн чинь одооны залуучууд Таны блог нээснээс өмнө бичсэн олон зүйлийг мэдэхгүй шүү дээ гэж байна. Энэ өгүүллийг осолгүй л ноён Н.Энхбаяр ид мандаж байсан 2003 оны сүүлээр хуучны “Монгол Таймс”, одооны “Улс төрийн сонин”-д бичиж байсан санагдана. Одоо үзэхэд системийн хямрал өнөөдөр биш, аль эрт эхэлсэн, олон талаар дордсон нь хэнд ч ойлгогдоно буй за. Ямар ч үндэстэн үзсэн туулсан юмаа эргээд нэг харчихаж гэмгүй л байх. Тэр үед нийгэм маань намайг даанч ойлгоогүй дээ…Одоо бол энэ төрийг өөрчлөх ёстой гэсэн цорын ганц дүгнэлт гарцаагүй гарна биз дээ… Read more of this post
2009/11/22 56 Comments
Эрхэм Хоридой мэргээн. Таныг болон бусад хүмүүсийг “сайн бичээд бай” гэхээр “баадуураад” мөн ч олон жил бичиж байна даа. Гэхдээ хүний физиологийн болон сэтгэл зүйн боломжит “дээд хязгаар” байдаг гэж би санана. Би энэ боломжийг олон зуу, магадгүй хэдэн мянга дахин “давуулан биелүүлсэн” гэж Эрлэгийн өмнө ч нотолж чадна. Би “төмрөөр” хийсэн хүн огт биш. Энэ өгүүллээрээ би ямар аймшигтай эрсдэлд орж байгааг манай монголчууд огт төсөөлөхгүй байна. Ийм “тэнэг зоригтой” хүн Монголд тоотой цөөхөн…Намайг чин сэтгэлээсээ дэмждэг хүмүүс уучлана биз ээ. Хэрэв би эдийн хувьд сайхан амьдаръя гэж бодсон бол аль нэг намд ороход л хангалттай. Бодит аюул занал коммент бичсэн Та нарт биш, харин над дээр ирдэг юм. Үүнийг би сайн мэдэрч байна…Харин Миний Монголчууд намайг юугаар дэмжсэн юм ?! Бодвол комментоороо л гэх байлгүй дээ. Уучлаарай намайг…
2009/11/20 17 Comments
Надаас олон хүн банкны тухай асуух. Би яаж “юм болгоныг” мэдэх бил ээ. Сэтгүүлч А.Баатархуягийн бичсэн энэ өгүүллийг зарим сайтууд нэг тавьснаа удалгүй хаачихдаг юм байна. “Хаагаад” байна гэдэг чинь”цаанаа” л нэг юм хэлээд байгаа болохоор би А.Баатархуягаас зөвшөөрлийг нь авч энэ өгүүллийг тавилаа. Мэдээж би түүнээс асуулгүй тавьчихад тэр надад юу ч хэлэхгүй боловч хүнийг хүндэтгэх, зохиогчийн эрхийг хүндэтгэх гэж нэг сүрхий ёс суртахуун байдаг юм л даа. Та одоо “хаасан” өгүүллийг унших боломжтой болж байна. Read more of this post
2009/11/15 40 Comments
Сүүлийн үед дэлхийн бодлогыг тодорхойлогч аварга гүрнүүд, ялангуяа манай хоёр том хөрш Монгол Улсыг дарамталж эхлэв. Монгол Улс тэдэнд байгалийн баялгаа өгсөнгүй, хулхидчихсан тул тэд нар “ихэд гомдож” заналхийлж байна. Үүнд дургүйцсэн монгол судлаач үгээ хэлсү. Read more of this post
2009/11/10 25 Comments
Гахайн ханиад манай арчаагаа алдсан төр засгийн үнэн нүүр царайг харуулж байна. Мэдээж дэлхийн бусад орнуудад энэ ханиад тархаж байгаа. Гэхдээ тэд нэн тодорхой арга хэмжээ авч байна, энийгээ ч хийж чадаж байна. Манайд нөхцөл байдал нэн аймшигтай хэмжээнд хүрсэн атал эрх баригчид “бодит тоо”-г үлэмж “дарж” байна. “Тоо дараад” ямар үр дүнд хүрэх юм ?! Хэнд “ашигтай” гэж ?! Read more of this post
2009/10/28 20 Comments
Манайхны авилгын талаарх төсөөлөл тун ядмаг бөгөөд хэт гэнэн. Авилгадагч нь том гэгч дипломат цүнхэнд, эсвэл “лаг том” шуудайд дүүрэн “ногоон” чихэж үүрчихээд авилгачийн гэрт юмуу албан өрөөнд орж ирнэ. Зарим нь бүр заавал баригдах гэж байгаа юм шиг “гэрч” буюу зуучлагчтайгаа орж ирдгийм ш дээ. Тэгээд ширээн доогуур нь түүнийгээ сэмхэн гулгуулна. Авилгач тэрийг нь тосч аваад “түй” гэж байгаад л мөнгөө “нэг нэгээр нь” тоолоод л, сейфэндээ өрж хийгээд л…Ёстой атаархаж үхмээр…”Яааааг”, энэ үед нь л “бариад авах” ёстой байхгүй юу. “Яааая”, энийг л “баримтжуулаад” авсан бол ёстой “янзтай”, даанч манайхан ингэж чадахгүй л дээ гэж олонхи монгол иргэн үнэн сэтгэлээсээ харамсах. “Манайхан” гэдэг нь АТГ юмуу даа, би сайн “ойлгодоггүй” юм.. Read more of this post
2009/10/26 64 Comments
С.Баяр “эрүүл мэнд”-ийн шалтгаанаар Ерөнхий сайдын ажлаа хүлээлгэж өгөхөөр шийджээ. Олны цуурхлаар “хүүхэн эргүүлж” болоод байсан хүн “эрүүл мэндээр” ингэтлээ дорд орно гэж огт байдаггүй юм. Олон хүнд “хорвоо ертөнц эргэчихсэн” юм шиг бодогдож байгаа байх. Зарим нь жигтэйхэн “баярлаж” байгааг би дэндүү сайн мэдэж байна. Хэн хэн нь гэдгийг тодорхой ярих цаг тун ч удахгүй. Олон хүн намайг Н.Энхбаяр судлаач гэж хочлох. Орь ганц судлаач гав ганцаараа төр, нам нэртэй олон хүнтэй зэрэг зэрэг “байлдах” боломжгүй байсан юм. Тэрнээс биш бусдыг нь, нэн ялангуяа “сүүдэр”-т байсан хүмүүсийг огт “мэдэхгүй” буюу “мартчихсан” гэсэн хэрэг огт биш. Одоо тэд нар “гэрэлд гарах цаг” болсон гэж бодоод байх шиг. Тэгвэл надад ч гэсэн тэднийг ”гэрэлд цохиулах” боломж дэндүү хангалттай байгаа. Энэ явдал бол “Сайн байна уу, 2012 он” гэснээс өөр юм огт биш. Энэ тухай өгүүлсү. Read more of this post
СУДЛААЧ
ДАШЗЭВЭГИЙН ГАНХУЯГ
Судлаач Ганаа 